الله مــن قلبـن!!

الله مــن قلبـن!!

الله من قلبن تمثنته الأصداف
ويلاه ياشين الزمان وصدوفه
أمشي على قدام وعيني على إخلاف
والضيم لاحقني ولابه مروفه
إمنولن ماخاف واليوم انا آخاف
وعيني عقب ماهب قويه كسوفه
كم ليلة عديت في رأس مشراف
من شين وقتي كل عالي أحوفه
ياقلب مالك لامناوي ولا أهداف
ومستقبلك شف كيف وقتك يلوفه
ياقلب لين بس بك طبع عـــواف
أي شي مايزهاك لازم تعوفه
حتى حبيبن اسرف بصده اسراف
صورته صارت ياخفوقي إمعيوفه
مع إنه لعوج المعاليق لـــــواف
وغــلاه كنه ماسكه في كفوفه
مير الغدر خلا المواعيد تنعاف
واليوم أنا مابيه ولا أبي أشوفه